Укытучы хезмәте  сабырлык, тырышлык, белем таләп итә. Сабый бала тормыш ваклыклары арасында югалмасын өчен, юл өйрәтеп, хәреф танытучы иң беренче кеше – укытучы. Нәни баланың күңеле уңдырышлы җир кебек, ә укытучы аңа белем орлыклары сала. Бу орлыклардан исә игелек, мәрхәмәт, шәфкать, тәүфыйк кебек сыйфатлар шытып чыга, үсә, ныгый. Әйтерсең лә, укытучы үзенең җанын телем-телем кисәкләргә телеп балаларга өләшә. Укытучы биргән белем , кошларга канат ничек кирәк булса,балаларга шулай кирәк бит . Бу дөньяда нинди генә биеклекләргә ирешсәк тә, уңышларыбызның башында укытучы торганын һәркем таный.

     5нче октябрь –Укытучылар көне уңаеннан,өлкән сыйныф укучылары мәктәптә белем бирүче мөгаллимнәребезне котлап бәйрәм оештырдылар.

Хөрмәтле укытучыларыбыз! Сезне һөнәри бәйрәмегез белән чын күңелдән котлыйбыз. Авыр, әмма җаваплы һәм мактаулы эшегездә зур уңышлар, саулык-сәламәтлек, бәхет, шатлык, озын гомер телибез.  

 Бар гомерне җитәр яктыртырга,

 Сез кабызган утның яктысы.

 Нурга күмсен иде гомерегезне

 Безнең гомернең дә балкышы.