Илебез буенча октябрь аенда Өлкәннәр көне уздырыла. Төрле җирләрдә өлкәннәрне котлаулар, искә алулар бара. Өлкән кешеләр – безнең әти-әниләребез, әби-бабайларыбыз! Алар бик күп авырлыклар күргән, дөньяның ачысын-төчесен татыган кешеләр. Бу айда гына түгел, ә һәрвакыт без өлкәннәргә игътибар итеп, хөрмәт күрсәтергә, рәхмәтләребезне әйтергә тиешбез. Без шушы максаттан үзебездә эшләп лаеклы ялга чыккан өлкән апа-абыйларны кунакка чакырдык. Алар каршында  5-9 нчы сыйныф укучылары җырлар, шигырьләр, биюләр  белән чыгыш ясадылар. Ахырдан,мәктәп коллективы әзерләгән табын артында үткәннәрен искә алып, рәхәтләнеп ял иттеләр.

     Хөрмәтле өлкәннәребез! Сезне бәйрәмегез уңаеннан кайнар котлыйбыз. Сезгә саулык, сәламәтлек, шатлык-куанычлар, олыгайган көнегездә тыныч тормыш телибез.