Мәктәбебездә  хәрби-патриотик айлык төгәлләнеп килә. Мәктәптә уздырылган чараларның иң күңеллесе мөгаен башлангычлар белән үткәрелгән “Ягез әле, малайлар!” дип аталган  уеннар булгандыр.”Титаник” Һәм “Аврора” командалары чын мәгънәсендә бөтен күңелләрен биреп көч сынаштылар.Уен диңгезгә сәяхәт формасында оештырылды. Малайларыбызны җитезлеккә,чыдамлыкка,тапкырлыкка һәм уңганлыкка сынадык. Бәйрәмгә ямь өстәп кызларыбыз үзләренең җыр – биюләрен бүләк иттеләр. Күңелле уеннарның ахыры чәй табыны белән тәмамлану балалар күңеленә шатлык өстәгәндер дип уйлыйм.