Февраль – гражданлык һәм патриотик тәрбия айлыгы. Югары  Кәминкә  мәктәбе сыйныф җитәкчеләре бу юнәлештә төрле чаралар үткәрәләр.  3 сыйныф укучылары белән мәктәп музеенда үткәрелгән тәрбия сәгате – шуларның берсе.  Музеебызда  әфганчы  якташларыбызга багышланган стенд булдырылган. Укучылар  андагы экспонатлар белән бик кызыксынып таныштылар; авылыбызда, күршебездә яшәүче әфганчылар турында яңа мәгълүматлар  алдылар, аларның солдат чакта төшкән фотоларын карадылар. Бу абыйлар хәзер кайда, ничек яшиләр икән?  Әлеге сорауга җавапны  әти-әниләр бергәләшеп эзләргә килештек.