15-Сентябрь –Варислар туган көне уңаеннан мәктәптә бәйрәм үткәрелде. 5нче сыйныф укучыларын бу көнне вариска алдык.Укучылар “Белем иле”нә “Серле ишек” аша үтеп,төрле сынауларны уздылар. “Татар теле”,”Рус теле”, “Математика”,”Рәсем”,”Җыр”,”Табигать белеме” илләренә “Серле поезд”га утырып бардылар һәм аларны уңышлы үттеләр.Мәкаль ахырларын, сүздән яңа сүзләр тезү, кызыклы сораулар, арифметик табышмаклар, дару үләннәрен искә төшерделәр, табышмаклар әйттеләр.Кичәнең икенче өлешендә укучылар шигырьләр сөйләп,тантаналы ант итеп,варислар сафына кабул ителделәр.Муеннарына яңа галстук тактылар.Ахырдан һәр сыйныф командиры яшь варисларны котлап матур теләкләрен ирештерде.