Әлеге бәйрәм уңаеннан мәктәптә авыл җирлеге белән берлектә зур бәйрәм оештырдык. Югары Кәминкә,Керкәле ,Кызыл Яр поселогыннан 100гә якын олы яштәге кешеләр җыелды.Өлкәннәребезне авыл җилеге башлыгы Гыйләҗев К.М.,” ООО Агроуслуги”ның Югары Кәминкә бүлеге җитәкчесе Зиганшин Ф.Ш.,мәктәп директоры Мингатина Г.Г.,ветераннар советы рәисе Фәттахов М.В. котлады.Бәйрәм чәй табыны артында мәдәният хезмәткәрләре, мәктәп укучылары, балалар бакчасына йөрүчеләрнең  концерт номерлары белән үрелеп барды.Әби-бабайлар үзләренең балачакларын, яшьлек елларын искә төшереп,рәхәтләнеп аралашып утырдылар.Үзләренең дә җыр-моңга,шигърияткә гашыйк икәннәрен күрсәттеләр. Нугуманов Агзаметдин абый, Галәветдинова Фәризә,Тазиева Ралия, Шагвалиева Саимә,Зиганшина Әлфия апалар моңлы тавышлары белән ,ә Мисбахова Мөгаззәмә апа Нәби Дәүлиның “Бәхет турында” шигырен сөйләп барыбызны да таң калдырды.

   Ахырдан бергәләп татарча биеп,”бер очрашу-үзе бер гомер”дип,кичәдән күңелләре булып,рәхмәтләр әйтеп таралыштылар.