1-5нче сыйныф укучыларының яңа ел тамашасы безнең мәктәптә 10.00 сәгатьтә башланды. Әкият геройларының кайсыларын гына килми калды микән әлеге кичәгә?! Кара урманда яшәүче Шүрәле, оныгы белән Дию пәрие, куяннар, ташбакалар, тылсымчылар.. Кыскасы, балалар бер мизгелгә әкият дөньясына күчтеләр. Кыш бабай (9нчы сыйныф укучысы К.Исмагилов) һәм Кар кызы (8нче сыйныф укучысы Э.Моксинова) исә бәйрәмне оста итеп алып бардылар. Өстәвенә, яхшы укучы һәм актив балаларны мәктәп администрациясе белән беррәттән Керкәле һәм Югары Кәминкә мәчете картлары да бүләкләде. Отличниклкар (алар быел бездә икәү: Вильданова Рузилә, Моксинов Алмаз) 500 сум, ә ударниклар 150 сум  күләмендә акчалата "премия"гә лаек булдылар.