Югары Кәминкә төп гомуми  белем  мәктәбендә  октябрь    буена олимпиадалар  уткәрү  планлаштырылган иде. Әлеге  план  нигезендә 8,9 сыйныф укучылары  рус теле, математика, физика,  биология, тарих  буенча үз белемнәрен  сынап карады да  инде. Физика һәм  математика  буенча олимпиадаларда призлы урыннар алучыларга  Зайнулла абыйлары Забиров хәтта кечкенә генә  бүләкләр дә  әзерләгән  булып чыкты.

 Ә нәтиҗәләр  мондыйрак  булды.

8нче  октябрь көнне  үткәрелгән  рус теле  буенча  олимпиадада 1нче урыны кыю рәвештә  Исмагилов Камил яулады. Икенче урынны  Игтисамов Илнар белән Минугулов Рәфис бүлеште. Кызганычка каршы, 3нче урынны алырдай укучы табылмады.

Биология буенча  олимпиада исә 10нчы октябрьгә планлаштырылган иде. Анда да 1нче урынны 9нчы сыйныф укучысы Исмагилов Камил яулады, 2нче урында Юнусов Гинар, 3нче урынны Рәфис Минугулов белән Игтисамов Илнар  бүлеште.

12нче октябрь исә  9нчы сыйныф укучыларына тарих  буенча  олимпиада  белән истә калыр, мөгаен. 1нче урын - 9нчы сыйныф укучысы Исмагилов Камилдә, 2нче урын -  Юнусов Гинарда, ә 3нче урынны -  Рәфис Минугулов белән Игтисамов Илнар  икәү алдылар.

15нче октябрь . 8нче сыйныф укучылары ярышырга, төрле чараларда катнашырга ярата, шуңа күрә математика  буенча олимпиадада бик теләп катнаштылар. 9 укучының  һәрберсе беренчелеккә омтылса да 1нче урынны  нибары бер укучы-  Муксинова Энҗе яулады. Альмеева Язгөлгә  2нче, ә Массарова Алинәгә  исә  3нче урынга риза булырга туры килде.

Физика – шактый катлаулы предмет! Бу фикернең дөреслегенә 9нчы сыйныф укучылары 17нче октябрь көнне  тагы бер кат инанганнардыр, чөнки бу көнне  мәктәптә физика буенча олимпиада булып узды.  1нче урын - Исмагилов Камилдә, 2нче урын -  Рәфис Минугуловта, ә 3нче урынны - Юнусов Гинар алды.

Ә ана телебезне  өйрәнүгә  багышланган олимпиада исә  24нче октябрьдә уткәрелер дип көтелә. Димәк, татар теле буенча  белемнәрен сынап карарга  теләүчеләргә менә дигән  мөмкинлек булачак.

фото

фото №2

фото №3

фото №4

фото №5

фото №6

фото №7

фото №8