Үткән тормышыбызда мәңге онытылмас, йөрәккә кан белән язылган вакыйгалар байтак. Шуларның берсе –Әфганстандагы гаделсез сугыш.Бу сугыш беткәнгә дә инде 28 ел узып бара. Әмма аның хәтирәләрен,тау-ташларында башын салган совет сугышчыларын Һичкайчан онытырга хакыбыз юк. 15 нче февраль – Әфганстан җирендә Һәлак булган сугышчы интернационалистларны искә алу көне уңаеннан без дә мәктәбебезгә Әфган сугышы ветераннарын: Вәлиуллин Камил һәм Хуснулгатин Илфак абыйларны очрашуга чакырдык. Кунакларыбыз үзләренең уй-кичерешләре белән уртаклаштылар,балаларга киңәшләр бирделәр, үзләре күргәнне беркемгә дә күрергә язмасын, дөньялар тыныч булсын дигән теләктә тәрбия сәгатебезне тәмамладык.Укучыларда үз авылдашларына карата  горурлык һәм соклану хисләре  барлыкка килгәндер дип уйлыйм. Камил абый алып килгән солдат альбомын кулдан-кулга йөртеп, зур кызыксыну белән карадылар.