24 гынйвар ккөнне 9 сыйныф укучылары математика фәненнән имтихан биреп карадылар.

"Чиста авыл синнән башлана" акциясендә иң актив катнашучы  укучылар  Чирмешәндә оештырылган бәйрәмдә булып кайттылар.

1 сыйныф укучылары саф һавада уйнарга бик яраталар. Бүген дә, укытучылары белән бергәләп, чаңгыда йөрергә чыктылар.

Вильданова Ф.И. җитәкчелегендә бер төркем укучылар район күргәзмәсе өчен пластик шешәләрдән искиткеч матур эшләнмәләр әзерләделәр.

ТАССР га 100 ел тулу уңаеннан, башлангыч сыйныф укучыларын   тәррбия сәгатендә  бу датаның логотибы белән таныштырдык, татар халкының күренекле шәхесләреләрен, тарихи вакыйгаларны искә төшердек

Мәктәп китапханәсендә "Бөек Җиңүгә 75 ел" дип исемләнгән китап күргәзмәсе эшли башлады. Биредә укучылар сугыш турында, авыр сугыш еллары, зур җиңүгә ирешкән совет халкы турында китаплар укый алалар.

Безнең мәктәптә тимурчылык эше  туктап тормый. Бүген укучыларыбыз инвалид Губайдуллина Шәрәфәт апа янында булдылар. Балалар карлар көрәделәр,  су керттеләр, идәннәр юдылар.

4 сыйныф укучылары китап укырга бик  яраталар. Алар белән бүген дә авыл китапханәсенә экскурсиягә бардык,  анда оештырылган яңа күргәзмәләр   белән таныштык, китаплар алдык.

Башлангыч сыйныфларда "Сәламәтлек серләре "  дип исемләнгән тәрбия сәгате үткәрдек. Чара барышында сәламәт яшәү рәвеше турында сөйләштек, организм өчен  файдалы һәм зарарлы факторларны ачыкладык. Уукучылар  үзләре өчен  күп яңалык алдылар.

Каникулның соңгы көне укучыларыбыз өчен бик кызык үтте. Без Елхово авылының авыл тарихы музеенда булып кайттык. Бу экскурсия балаларга бик ошады.