"Һөнәрләр күп төрле,барсыда бик кирәкле"дип аталган чара кысаларында китапханәче һөнәре белән таныштык.Авыл китапханәчесе  Саубанова Чәчкә апалары балаларны бу һөнәрнең нечкәлекләре белән якыннан таныштырды,китаплар дөньясы белән таныштырып,китапларга сак караш тәрбияләде,китап уку теләге уятты.Балаларга бу очрашу бик ошады.

Кадерле әниләребезне бәйрәм белән тәбрик итеп бүләкләр ясадык.Әниләребезгә матур теләкләр юлладык.

19 ноябрь юл хәрәкәтендә хәләк булучыларны искә алу көне уңаеннан безнең балалар бакчасында юл йөрү кагыйдәләрен белергә һәм төгәл итеп үтәргә кирәклеге турында әңгәмә үткәрдек.Балалар белән төрле проблемалы ситуацияләр чиштек,өстәл һәм дидактик уеннар уйнадык.

Татарстан конституциясе көне уңаеннан "Конституция-балалар күзлегеннән "дип аталган рәсем ясадык.

Халыклар бердәмлеге көне уңаеннан безнең балалар бакчасында,балалар белән Татарстан республикасында дус-тату яшәуче төрле милләт халыклары турында әнгәмә узды.Төрле милли уеннар уйналды.

22нче октябрьдә,"Караван-Сарай" сәүдә мәйданында традицион хәйрия ярминкәсе узды,сатудан җыелган акчалар Украинада махсус хәрби операциядә катнашучы солдатларыбызга ярдәм итүгә китәчәк.Туймәт авылы балалар бакчасы хезмәткәрләре дә бу чарада катнашты.

1 октябрь өлкәннәр көне уңаеннан бакчабызда эшләп лаеклы ялга чыккан хезмәткәрләребезне кунакка чакырдык,җанлы әнгәмәдән соң,очрашу чәй табыны артында дәвам итте.Ә,балалар белән әби бабайларына бүләкләрне үз кулларыбыз белән эшләдек.

22 сентябрь көнне авыл китапханәчесендә Саубанова Чәчкә апалары белән берлектә "Сөмбелә" бәйрәме үткәрдек.Бәйрәмдә балалар көз байлыклары турында шигырләр сөйләделәр,табышмаклар чиштеләр,җырладылар,төрле уеннар уйнадылар.Ә бәйрәм азагында Көз кызы-Сөмбелә балаларны тәмле күчтәнәчләр белән бүләкләде.

15 сетябрдә Абдулла Алишның туган көне хөрмәтенә,авыл китапханәчесе Саубанова Чәчкә апалары белән берлектә Алишның әкиятләре буенча сәяхәт оештырдык.

Республикабыз көне уыңаеннан үткәрелгән чараларда балаларда Ватаныбызны яратырга аның белән горурлану хисе уяттык.