"Ак калфак" татар хатын-кызларының чираттагы утырышы бүген Тубэн Кэминкэ авылы мәдәният йортында узды. Бу җыенда балалар бакчасы тәрбиячесе Әлфинә Фазыл кызы һәм пешекчебез Рабига Кәлимулла кызы да катнашты.

 Безнең балалар бакчасында космонавтика көне буенча балалар  белән әңгәмә үткәрелде. Тәрбияче апалары ярдәме белән балалар төсле кәгазьләрдән ракеталар ясадылар.

Бакчабызда "Без язны яратабыз" атналыгы үтте. Бу атна буена балалар язгы табигатьне күзәттеләр, тышкы билгеләренә карап кошларны танып-белергә өйрәнделәр, рәсемнәр ясадылар. Тәрбияче апалары белән бергәләшеп яшелчә үсентеләрен тәрбияләделәр, махсус савытларга чәчәкләр чәчтеләр.

Балаларны көлү көне белән таныштыру, кызыклы уеннар уйнарга теләк тудыру,көлеп яшәүнең бик әһәмиятле булуын аңлату максатыннан балалар бакчасы тәрбиячесе Әлфинә Фазыл кызы кызыклы уен-тамаша уздырды. 

Чирмешән муниципаль районы кысаларында үткәрелгән, Идел буе халыкларының милли киемнәрендә курчакларны иң яхшы эшләү бәйгесендә катнашып, тәрбияче Гафурова Әлфинә Фазыл кызы "Иң яхшы башкорт костюмы" номинациясендә җиңү яулады.

Халкыбызның гасырлар буена тупланып килгән рухи мирасын балаларга җиткерү, милли традицияләргә мәхәббәт тәрбияләү максатыннан бакчабызда "Хуш киләсең, Нәүрүз!" дип исемләнгән чара үткәрелде. Кунак булып килгән Нәүрүзбикәгә балалар үзләренеэ сәләтләрен күрсәттеләр, әйлән-бәйлән уйнадылар, учакта пешкән пылау белән сыйландылар. Нәүрүзбикә дә балаларга үзенең күчтәнәчләрен тапшырды.

Ана назы- җирдә ул мәңгелек, 

Мәңгелек җыр - бишек җырыгыз.

Без узасы юлда маяк булып

Гомер буе балкып торыгыз.

Бакчабызда Ватанны саклаучылар көненә багышланган бәйрәм иртәсе үткәрелде. Балалар  әтиләрен, абыйларын, бабаларын котлап үзләренең хөнәрләрен күрсәттеләр. Үз куллары белән ясаган бүләкләрен тапшырдылар.

Балаларның юл йөрү кагыйдәләре турында белемнәрен ныгыту, аларны бозмыйча үтәргә кирәклеген аңлату максатыннан бакчабызда "Юл иминлеге иленә сәяхәт" дип исемләнгән чара үткәрелде. Бу чарада әти-әниләр дә бик теләп катнаштылар. Бергәләшеп уен-конкурсларда көч сынаштылар, табышмакларга җаваплар эзләделәр, юлда үзләрен ничек тоту кагыйдәләрен кабатладылар. Бәйрәм шигырьләр, җырлар һәм биюләр белән дәвам итте.

Буген безнең бакчабызга кунак булып башлангыч класс укучылары килде. Тәрбияче Әлфинә Фазыл кызы зурлар төркеме балаларын һәм укучыларны, төрле буяулар кулланып, төсле кәгазьләрдән китап арасына куя торган кыстыргыч ясарга өйрәтте. Эш тәмамлангач,  балалар үзләренең кул эшләрен бер-берсенә бүләк итештеләр.