Без балалар белән “Зайка” (зоомагазин) кибетендә кунакта булдык. Монда бик күп төрле балыклар, йорт куяннары, хомяклар бар икән. Балаларга Алинә апалары алар турында бик теләп сөйләде. Балалар мондагы балыкларны бик теләп ашатып та карадылар.

Безнең балалар бакчасында “Сак җәяүле атналыгы” узды. Бүген без “Урам һәм светофор белән танышу көне “ үткәрдек. Балалар белән юл билгеләрен, юлда йөрү кагыйдәләрен кабатладык. Шуннан соң балалар бакчасы янындагы перекрестокка белгән белемнәребезне ныгытыр өчен экскурсиягә бардык. Бергәләп юл аркылы чыктык. Светофорны күзәттек. Юл билгеләрен карадык.

Безнең балалар бакчасында экологик тәрбиягә зур игьтибар бирелә. Җәйге чарада да шушы тәрбияне дәвам итеп без балалар белән чәчәкләргә сокланып кына калмыйбыз, аларны чүп үләннәреннән арындырабыз, төпләрен йомшартабыз. Шулай хезмәткә өйрәнәбез.

Бүген без экскурсиягә инвалидлар җәмгыятенә бардык. Алар безнең балаларыбызны үзләренең сенсор бүлмәләрендә ял итәргә чакырдылар. Ә без бик рәхәтләнеп ризалаштык. Балаларга монда бик охшады. Кемгәдер монда комда рәсем ясарга, кемгәдер массажлы юл, кемгәдер өстәл уеннарыохшады. Мондагы апалар аларны тәмле соклар белән дә сыйладылар. Рәхмәт аларга.

Мәктәпкә әзерлек төркеме Эчке эшләр бүлегенең музеендә экскурсиядә булды. Полиция хезмәткәрләре балаларга җәмгыятьне саклаучыларның формалары тарихта ничек үзгәргән, шуны күрсәтеләр. Юл хәрәкәте инспекциясе ничек эшли. Эш вазифаларын үтәгән вакытта вафат булган Мирсәет Кәбировның хәтер тактасын карадылар.

Безнең балалар участогында җир җиләге дә үсә. Балалар белән яз көне яфракларын күзәттек, чәйгә дип җыйдык. Чәчәккә төренгәч җиләкләрнең чәчәкләрен күзәттек, иснәдек. Инде менә җиләкләребез өлгерде. Җиләк йөрәктән, кан тамырыннан бик файдалы. Анарда бик күп кирәкле витаминнар бар. Җиләкләр белән сыйланып калыйк!

Җәйге чорда безнең балалар бакчасында гимнастиканы саф һавада үткәрәләр . Балаларга бу бик ошый.

Балалар белән тагын бер экскурсиягә бардык. Бу юлы дәүләт автомобиль инспекциясе белән таныштырдылар. Балалар юл билгеләрен дә кабатлап алдылар. Әле мондагы тир бүлмәсен дә карадылар. Ахырдан балаларга төрле китаплар, гәҗитләр, билгеләр дә тараттылар.

Бакчабызнын зурлар төркеме бүген “Тарих һәм туган якны өйрәнү” музеенда кунакта булдылар. Балаларны музей хезмәткәрләре бик шатланып каршы алдылар, балаларга аңлаешлы итеп экскурсия үткәрделәр. Мондагы һәр нәрсә дә балаларга бик охшады. Бигерәк тә җәнлекләр, хайваннар балаларның игътибарын җәлеп итте. Экскурсия балаларга бик охшады.

Бүген без бакчабызда “Сәламәтлек көне” үткәрдек. Сәламәтлек нидән башлана, ни өчен без иртәнге зарядка ясыйбыз, ничек дөрес тукланырга кирәк. Балаларга бүген шул сорауларга һәм тагын бик күп сәламәтлек турында белемнәрен ныгыттылар. Төрле кызыклы уеннар уйнадылар. Барыбыз да сәламәт булыйк!