28 нче марттан  язгы каникуллар башланды. Каникул чорында  план буенча чаралар оештырыла.

22-    23 нче март көннәрендә  мәктәптә “Урман дәресе” үткәрелде.  “Урман дәресе” кысаларында сыйныфларда  “Урман –безнең байлыгыбыз” дип исемләнгән тәрбия сәгатьләре, “Урман көне” темасы астында экологик уен-дәрес үткәрелде. “Яшәртергә иде бу җирне” экология түгәрәгендә шөгыльләнүче укучылар “Урман-кешенең якын дусты” дигән  дәрес-сәяхәт оештырдылар.  Үткәрелгән дәрес- чараларда укучылар бик актив катнаштылар.

23 нче мартта "Батыр" спорт мәктәбендә 1996-1999 нчы елгы яшьләр арасында үткәрелгән татар-башкорт милли көрәшендә безнең мәктәп командасы III урынны яулады. Егетләргә алдагы ярышларда да  уңышлар теләп калабыз! МОЛОДЦЫ!!!

21 нче март көнне мәктәбебездә география укытучысы Ф М Гайнетдинова укучыларның экологик белемнәрен тирәнәйтү, табигатькә гуманлы мөнәсәбәт, тереклек өчен җаваплылык хисе тәрбияләү, табигать кочагында үз-үзеңне дөрес тоту кагыйдәләрен искә төшерү максатыннан "Җир көне"  дип исемләнгән чара үткәрде. Чара барышында укучылар һава, су, туфрак, урман турында кызыклы мәгълүматлар белән таныштылар, экологик табышмакларга җаваплар эзләделәр, экологик викторина сорауларына җаваплар бирделәр. Кичәдә укучылар актив катнаштылар.

16 нчы март көнне 11 нче сыйныф укучылары Казан шәһәренә экскурсиягә бардылар.

Язның беренче бәйрәме- 8 нче март- Халыкара хатын-кызлар көне уңаеннан, башлангыч сыйныф укучылары арасында  "Озын толым", 6-10 нчы сыйныф укучылары арасында "Ягез әле, кызлар!" бәйгеләре үткәрелде. 5-8 нче сыйныф укучылары "Гүзәлләрнең гүзәле сез" дип исемләнгән бәйрәм концерты күрсәтте.