Бүген мәктәбебездә Халыкара экология көненә багышланган "Бердәм экология дәресе"ндә 1-11 нче сыйныф укучылары катнашты. Дәрес үсеп килүче буында экологик белемнәрне тирәнәйтү, туган як табигатенә сакчыл караш тәрбияләү, әйләнә-тирәне чистартуга өлеш кертүгә кагылышлы темаларны үз эченә алды.  География укытучысы Ф М Гайнетдинова үзенең чыгышында "Әйләнә-тирәгә ташлап калдырылган чүп-чар, табигатьнең елдан-ел  пычрануы сәламәтлегебезнең  начараюына китерә. Урманнарны чистару, шифалы үләннәр җыю, агачлар утырту, аларны карап үстерү һәрберебезнең изге бурычы булып тора",-дип  билгеләп үтте.

Универсиаданы каршылап мәктәптә актив эш алып барыла. Бүген шушы теманы яктыртып, сыйныф сәгатьләре үткәрелде,  презентацияләр, видеоязмалар күрсәтелде. Дәрестән соң оештырылган чараларда укучылар, әти-әниләр командаларга бүленеп үзара төрле спорт ярышларында, милли уеннарда көч сынаштылар.

Бүген мәктәбебездә "Тормыш иминлеге нигезләре" фәне буенча ачык дәрес үткәрелде. Дәрестә  ТР   МЧСы  каршындагы ЗПСО №1 коткаручысы Вишняков   В Г катнашты.