Ачык дәрес. Математика 1 нче сыйныф.

09.02.2015

Мәктәбебезнең башлангыч сыйныф укытучысы Җәббарова Илсөяр Әнвәр кызы 1 нче сыйныфта мтематикадан ачык дәрес үткәрде. Дәрестә “ТЭЙК ОФ – ТАЧ ДАУН” структурасы кулланылды.

Дәрес тибы: яңа тема аңлату.

Тема: Кушуның урын алыштыру законы.

Дәреснең максатлары:

1.Белем бирү максаты – Укучыларны кушылучыларның урынын алыштыру законы белән таныштыру; Телдән һәм язма исәпләү вакытында бу законны куллана белергә өйрәтү; 1 дән 10 га кадәр саннар нумерациясен ныгыту; үзбәя куярга һәм парларда эшләүне камилләштерү.

2.Фикер сәләтен үстерү максаты – Укучыларның логик фикерләү сәләтен, мөстәкыйльлекләрен, иҗади активлыкларын һәм танып-белүне үстерүгә ярдәм итү.

3.Тәрбияви максат – укучыларда дәрескә кызыксынучанлык, төгәллек тәрбияләү.

Кулланылган технологияләр: проблемалы – диалогик технология, үстерешле укыту.

Укучыларның танып – белү эшчәнлеген оештыру формалары: фронталь һәм группалы, индивидуаль.

Көтелгән нәтиҗәләр:

предмет буенча: сыйфат дәрәҗәләрен дөрес билгеләү.

шәхси: яңа материалны өйрәнүгә, танып – белүгә кызыксыну күрсәтү;

·       уку эшчәнлегендә уңышка ирешүнең сәбәпләрен аңлау (дисциплиналы булу, игътибарлы, җаваплы булу, хезмәт сөючән, үз көчеңә ышану).

Универсаль уку күнекмәләре:

·       регулятив: дәрестәге эшнең максатын укытучы ярдәмендә ачыклау;

·       укытучы тәкъдим иткән алгоритм буенча эшләргә өйрәнү; ясалган хаталарны исәпкә алу һәм эшне бәяләгәннән соң төзәтүләр кертү.

танып – белү:

·       укучыларның һәм укытучының уртак эше буенча нәтиҗәләр ясау;

·       укытучы җитәкчелегендә эш алгоритмы төзү;

·       дәреслектән, тормыш тәҗрибәсеннән, дәрестә алган информация-

дән файдаланып сорауларга җавап бирү.

               коммуникатив:

·       үзеңнең фикереңне телдән матур итеп әйтү;

·       башкаларны ишетү һәм тыңлау.