Хөрмәтле укытучылар! Көзнең күркәм, ямьле бәйрәмнәренең берсе – Укытучылар көне. Зур хөрмәткә лаек бу эштә үзегезне аямыйча, киләчәк буыннарның бәхетле тормышта яшәве турында кайгыртасыз. Укытучы дигән изге сүзгә тап төшермичә хезмәт итәсез. Сез – укучыларга “икенче әни” яисә “икенче әти” булып, аларга үзегезнең йөрәк җылыгызны биреп, укымышлы булсыннар дип бар белемегезне ачып салырга әзер булдыгыз. Мөхтәрәм укытучылар! Сезне чын күңелдән бәйрәм белән котлыйбыз! Сезгә корычтай нык сәламәтлек, гаилә бәхете, һәр туачак таңга сөенеп, имин тормышта яшәвегезне теләп калабыз. Якыннарыгызның ихтирамын тоеп, шатланып- куанып яшәгез! Бәйрәм белән Сезне! Мәктәп администрациясе.