Әфган сугышы – барлык милләт кешеләре өчен дә уртак. Һәр шәһәр, район, авылга кагылган аның рәхимсез җиле. Бу афәт күпме яшь гомерләрне өзде, әти-әниләренә гомерлек кайгы китерде. Исән-сау кайтучылар бәхетле, тик шулай да аларның да матур еллары сугышта үткән, ул көннәр тормышларында иң авыр хатирәләр булып калырлар. Без аларны онытырга хакыбыз юк. Чөнки алар – безнең ватандашлар, якташлар. Әфган сугышында ил кушканны, хәрби бурычын үтәүчеләрне һәрчак хәтердә сакларга тиеш без. Бүген ТИН укытучысы Илһам Сәйфулла улы Габитов укучыларны Әфганстан сугышы тарихы һәм нәтиҗәләре белән таныштырды. укучылар презентация һәм видеоязма карадылар. Мәктәп директоры Рафис Хабибулла улы Арифуллин геройларча хәрби бурычны үтәгән, хәрби хәрәкәтләрдә катнашкан батырлар турында сөйләде.