22 нче гыйнвар көнне мәктәптә гомуми ата-аналар җыелышы булып үтте. Башлангыч сыйныф укытучысы Гөлнара Шәүкәт кызы Сабирова «Сәламәт яшәү серләре» темасына доклад укыды. Сүз сәламәт яшәү рәвеше алып бару, начар гадәтләргә каршы тору хакында барды. Укыту эшләре буенча директор урынбасары 2 нче чирек нәтиҗәләре, 3 нче чиреккә бурычлар белән таныштырды. Тәрбия эшләре буенча ирешелгән уңышлар, укучыларның тәртибе, кич йөрү вакыты, хокук бозуларны булдырмау турында чыгыш тыңланды. Мәктәп директоры Рафис Хәбибулла улы Арифуллин соңгы яңалыклар белән таныштырды. Алга куелган планнар, эшләп бетерәсе эшләр турында әйтте. Соңыннан һәр сыйныфта аерым сыйныф җитәкчеләре белән сөйләшү үткәрелде. Ата-аналар мәктәп тормышы почмагы белән дә таныштылар.