Гаиләдә һәм мәктәптә дөрес туклануны оештыру сәламәтлекне саклауда зур әһәмияткә ия. Укучы мәктәптә көне буе була һәм ул күп көч сарыф итә. Көчне саклау өчен укучының туклануын дөрес оештыру кирәк. Безнең мәктәптә барлык укучылар да көнгә бер мәртәбә мәктәп ашханәсендә кайнар аш белән тәэмин ителә. Мәктәп коллективы, укучылар көче белән мәктәп яны тәҗрибә участогында шактый гына күләмдә яшелчә, чия, карлыган үстерелеп, эшкәртелеп саклауга куелды һәм мәктәп ашханәсендә балаларның туклану сыйфатын яхшырту максатыннан кулланыла. Менюга мәктәп бакчасында үскән яшелчәләрдән төрле  ашлар һәм салатлар кертелә. Җиләк-җимешләрдән компотлар, витаминлы эчемлекләр ясап балаларга эчертелә.    Ашханәдә азык төрләндерелеп һәм яхшы сыйфатлы итеп әзерләнә.