“Бердәм экология дәресе”ндә 1 дән алып 9 сыйныфка кадәр булган укучылар катнашты. Дәрес үсеп килүче буында экологик белемнәрне тирәнәйтү, туган як табигатенә сак караш тәрбияләү, әйләнә-тирәне чистартуга өлеш кертүгә кагылышлы темаларны үз эченә алды. География, биология, химия укытучысы Язгөлем Мөсәллим кызы Габитова үзенең чыгышында: “Без бу дәресне, яшь буынны киләчәккә әзерләү максатында, экология проблемаларын күрергә өндәп уздырабыз. Чөнки сез - алга таба һәркайсыгыз төрле өлкә, тармакларда эшләп, әйләнә-тирә мохитнең бөтенлегенә, чисталыгына турыдан-туры тәэсир итәчәк кешеләр, - диде укучыларга мөрәҗәгать итеп. Әлбәттә, мәктәпләрдә табигатьне саклау юнәлешендә чаралар оештырыла, белем йортыннан чыгып киткәч тә ул сезнең өчен мөһим бурыч булсын. Әйләнә-тирәгә ташлаган чүп, пычрак сәламәтлегебезне начарайтуга китерә. Урманны чистарту, шифалы үләннәр җыеп тапшыру, яңа агачлар утырту, аларны карап үстерү укучыларның һәм укытучыларның мөһим бурычы булып тора”, - дип билгеләп үтте.