Без генә түгел, канатлы дусларыбыз да язны сагына. Җылы яклардан кайтучы кошкайларны без дә көтәбез.  Кошлар көненә  «Кошлар - безнең дусларыбыз! » дигән темага матур  кичә  үткәрелде. Укытучы Язгөлем Мөсәллим кызы Габитова оештырды. Бу чарада  кошларга  булган  мәхәббәтләрен  дә  аңлаттылар,  тапкырлыкларын, зирәклекләрен дә күрсәттеләр. Презентация аша  кошлар дөньясы белән таныштылар.

    Шулай ук, кичәгә әзерлек барышында, укучылар, hәр елдагыча, бик күп  сыерчык оялары, hәм кош рәсемнәре ясадылар. Ясалган ояларны мәктәп территориясендәге агачларга беркеттеләр.  Бу- кошларга  иң зур бүләк инде. Мәктәпкә килгәндә һәр иртәдә аларның моңлы җырларын тыңлап үтәбез.