Ата – аналар җыелышы .

22 нче февраль 8.00 сәгатьтә мәктәптә ата-аналар җыелышы булып үтте. Җыелышта 39 ата-ана, 12 укытучы, авыл җирлеге башлыгы Гөлсинә Минназыйм кызы Гиниятуллова катнаштылар. Ата - аналар җыелышының темасы “О мерах безопасности детей “. Төп максат итеп балаларны контрольдә тотуга басым ясау, аларның гомерен сакларга тырышу, балаларына карата игътибарлы, үрнәк булу. Иң беренче мәктәп директоры Наил Гәрәй улы Шиһабетдинов үзенең чыгышында балаларның таныш булмаган кешеләр белән аралашмаска, ят әйберләр алмаска, белмәгән кеше машинасына утырмаска, балалар комьпютер аша чит кешеләр белән танышмаска, балаларны мәктәпкә иртән озатып, каршы алырга икәнлеген җиткерде. Авыл җирлеге башлыгы Гөлсинә Минназыйм кызы Гиниятуллова: “Балаларыгызның һәр адымын контрольдә тотыгыз, сез эштә булган вакытта аларның көне буе кем белән аралашуына, нәрсә белән шөгыльләнүенә игътибар итегез, балаларыгызны кич белән урамда караучысыз йөретмәү чарасын күрегез” –дип әйтте. Билгеле булганча, балалар белән фаҗигале очраклар булып тора . Шуның өчен ата-аналарга күп куркынычсызлык кагыйдәләре җиткерелде һәм ата-аналар инструктажга үзләренең имзаларын куйдылар. Соңыннан кинофильм күрсәтелде.