У нас в школе

Декада кысасында бүген мәктәптә гөрләп Шәфкатьлелек ярминкәсе узды . I - IX сыйныф укучылары, әти-әниләр, укытучы абый һәм апалар бу тәрбия чарасында актив катнаштылар. Көн дәвамында татлы ризыклар, кул эшләре, сувенир - бүләкләр рәхәтләнеп сатылды. Сату рәтләре матур итеп бизәлгән, сатучылар оста һәм елмаючан. Өстәлләр муллыктан сыгылып тора. Барлык тупланган акча мәктәбебездә , авылыбызда ярдәмгә мохтаҗ балаларга Яңа ел бүләкләре алуга тотылачак. Мәктәп администрациясе бу тәрбияви чараны оста, нәтиҗәле итеп оештыручы сыйныф җитәкчеләренә; һәрвакыт ярдәм итәргә әзер торган укучыларыбызның ата-аналарына, дәү әти- әниләренә олы рәхмәтен җиткерә.