У нас в школе

Бөек Җиңү көненә барлыгы 5 көн калды. Аны лаеклы каршы алу йөзеннән уку йортында көн саен күпкырлы эш башкарыла. Иң беренче чиратта тантана уздырылачак махсус мәйданны һәм Һәйкәл алдын, Җиңү паркын гөл кебек итәргә кирәк иде. Укучылар һәм укытучыларның бердәм коллективы бу бурычны бик җаваплы үтәде.7, 8 сыйныф укучылары Наратбаш, Бикмураз авылларының төп урамнарын чүп – чардан арындырды, башлангыч сыйныфлар белән берлектә 5,6, 9 сыйныф кызлары Мәдәният йорты алдыннан башлап паркны чистартуны ; ә 5,6,9 сыйныф егетләре чәчәкләр өчен түтәлләрне әзерләүне бик тиз арада башкарып чыктылар. Укытучылар һәм хезмәткәрләр барлык эшчәнлекне тагын бер кат күздән кичергәч, хезмәт өмәсенә тагын да ямь өстәп әйләнә – тирә агачларны аклап куйдылар. Мәктәп алды, Һәйкәл һәм бәйрәм узачак мәйдан тантанага әзер! Илебезгә – көнебезгә рәхим ит, Җиңү бәйрәме!