У нас в школе

Мәктәптә Хәтер вахтасы игълан ителде. Чара 1 Майдан 9 Майга чаклы дәвам итәчәк. Аның дәвамында барлык укучылар өчен “ Мин – хәтерлим! Мин – горурланам!” дип исемләнгән бердәм сыйныф сәгатьләре, сугыш турында кинолар карау, “Матур әдәбият битләрендә батырлык үрнәкләре” дип аталган әңгәмә ләр, ветераннар белән очрашулар оештыру планлаштырыла. Иң беренче чара булып укучыларның авылыбызның туган як музеенда булуларын атап була. Музей мөдире, ветеран укытучы Хисамов Зөфәр Бари улы, эстафетаны башлангыч сыйныф укучылары белән башлап җибәрде. Соңрак аларга 5-9 сыйныф укучылары кушылды. Музейның махсус Бөек Ватан сугышына багышланган бүлеге бар. Укучылар бу авыр сугышның барлык төп вакыйгалары, аларга авылдашларыбызның кергән өлеше, сугыш трофейлары белән бик җентекләп таныштылар. Хәтта “тере” Левитан тавышын да ишеттеләр, сугыш вакытында кулланылган патефонны тыңлап карадылар. Укучыларга шундый эчтәлекле чара тәкъдим иткән ветераныбызга балалар, укытучылар, ата- аналар исеменнән Рәхмәт җиткерәбез.