У нас в школе

Җиңү бәйрәме алдыннан мәктәп гөрләп тора. Башлангыч сыйныф укучылары бәйрәмгә чакырылган ветераннар өчен кулдан матур – матур чәчәкләр , 5-9 сыйныфлар аллы - гөлле котлау открыткалары ясады. “ Җиңү бәйрәменә багышлана” дип аталган бәйрәм концертында балалар бүләкләрен ветераннарга тапшырдылар. 1 сыйныфлар матур җыр; 2 һәм 3 сыйныфлар искиткеч бию , уку алдынгысы Бикчәнтәев Данис үзе язган шигырен оста итеп сөйләп күрсәтте, Вәлиева Энҗе лирик яңа шигырь юллары бүләк итте. Бәйрәмгә килгән Венгрия сугышында катнашкан ветеран Шәрәфетдинов Җәүдәт абыйга тантаналы рәвештә Георгий тасмасы тагылды. Концерт бик җылы мөнәсәбәттә узды. Иртәгә әле уку йортында яңадан зур чара – сугыш һәм тыл ветераннары, сугыш елы балалары булган ветеран укытучылар белән очрашу әзерләнә!