У нас в школе

5 июнь көнне мәктәптә "Зәңгәр күл" исемле лагерь үзенең эшен башлап җибәрде. Унбиш бала көн дәвамында бердәм отряд булып яшәргә өйрәнделәр , чылбырларга бүленделәр; исем, девиз, җыр сайладылар.Оештыру эшләреннән соң беренче иртәнге зарядка, линейка уздырылды. Тәмле итеп тамак ялгап алгач бергәләп "Дельфинга" барып кайттылар, лагерь ачылу тантанасына матур концерт номерлары әзерләп тә куйдылар. "Әйдәгез, таныш булыйк!" дигән рубрика астында аралашу сәгате үтте. Төшке аш алдыннан рәсемнәр һәм шашка, шахмат ярышлары да үткәрергә өлгердек. Ашханәдә сыйланып чыкканнан соң "Спорт турниры" оештырылды: футзал, пионербол, йөгерү- сикерү ярышлары бик мавыктыргыч булып узды. Ә музыкаль кунакханәдә укучылар Гибадуллина Дилә,Бикчәнтәева Зилә, Шәрәфетдинова Алинәләрнең пианинода уйнауларын йотлыгып тыңладылар. Ял минуты - дискоткека да искиткеч күңелле булды. Көн ахырында алдынгы, актив командирлар, укучылар татлы призлар, сувенирлар белән бүләкләнделәр. Һәркем күтәренке күңел , позитив халәттә лагерь белән иртәгәгә чаклы саубуллашып китте!!! (Лагерь начальнигы: Гарипова С.И, тәрбияче: Гыйзәтуллина Г.Р. )