У нас в школе

31 нче май көнне мәктәптә 2-8 сыйныф укучылары өчен “Соңгы кыңгырау” яңгырады. Тантаналар залына бәйрәмчә киенгән укучылар җыелуга йомгаклау линейкасы башланды. Иң беренчеләрдән булып зал түренә уку алдынгылары – отличниклар чакырылды. Аларга Мактау грамоталары тапшырылды, алкышлар җиткерелде. Алдынгы укучыларны барлау белән алдынгы сыйныфларны билгеләү башланды. “Иң яхшы дәрескә йөрүче сыйныф” номинациясендә 1 урынны 2 (с.җ. Әхмәтшина Л.С.) һәм 9 (с.җ. Әхмәдуллина Г.Р.) сыйныфлар яулады. 2 урынга 3(с.җ. Әхмәтшина Л.С.) , 4 (с.җ. Фәхретдинова И.М.), 5 (с.җ. Гарипова С.И.) сыйныфлар лаек булдылар. 3 урынны 6 (с.җ. Исланова Г.Г.),7 (с.җ. Шәрәфетдинова Л.Г.), 8 (с.җ. Галиуллина З.Ф.) бүлештеләр. “Иң тәртипле сыйныф” бәйгесендә 5 (с.җ. Гарипова С.И.) һәм 7 (с.җ. Шәрәфетдинова Л.Г.) сыйныфлар җиңеп чыктылар. 2 урынга 6 (с.җ. Исланова Г.Г.) сыйныф чыкты. 3 урын 9 (с.җ.Әхмәдуллина Г.Р.) сыйныфта булды. Ә “Иң яхшы кизү торучы сыйныф” номинациясендә янә 1 урынны 5, 7 сыйныфлар бүлештеләр. Шул ук бәйгенең 2 урынын 6 сыйныф, 3 урынын – 8, 9 сыйныфлар алдылар. Ел дәвамында күзәтелеп барылган бәйгеләрнең берсе – төрле дәрәҗәдәге бәйгеләрдә актив һәм нәтиҗәле катнашу.Аның нәтиҗәләре буенча 1 урын – 7 сыйныфта, 2 урын- 3 сыйныфта, 3 урын – 2 сыйныфта булды. Барлык нәтиҗәләр буенча 1-4 сыйныфлар арасында 2,3 сыйныфлар (с.җ.Әхмәтшина Л.С.) җиңеп чыктылар. Ә 5-9 сыйныфлар арасында җиңүче исеменә 7 сыйныф (с.җ.ШәрәфетдиноваЛ.Г.) лаек булды. 2 урынга 5 (с.җ.Гарипова С.И.) чыкты. 3 урынны 6 (с.җ. Исланова Г.Г.) һәм 9 (с.җ. Әхмәдуллина Г.Р.) бүлештеләр. Линейка барышында мәктәп тормышында актив катнашучылар белән беррәттән алдынгы спортсмен егет, кызлар да билгеләп үтелделәр. Ел дәвамында бер дәрес тә калдырмаучы укучы исеменә 9 сыйныф укучысы Гадеев Булат лаек булды. Җәйге каникуллар алдыннан мәктәп яны лагере эшчәнлеге , практика тәртибе буенча аңлатмалар бирелде. Аерым көн тәртибе итеп “Имин каникуллар” дигән чыгыш тыңланды: су коену, юл йөрү, янгын, травматизм , тәртип буенча кат –кат инструктаж үткәрелде. Соңгы кыңгырауны Бикчәнтәева Зилә белән Аюпов Азатлар яңгыраттылар.Йомгаклау сыйныф сәгатьләре, җыештыру чаралары үткәрелде. Мәктәп моңаеп яраткан укучыларын көтеп алынган, озын, күңелле, мавыктыргыч каникулларга озатып калды. Моңайма, мәктәп, моңайма! Без тиздән лагерьга , практикага , дару үләннәре җыярга кабат сиңа киләчәкбез!Безне сагынып көт ,мәктәп !!