У нас в школе

4 нче чирекнең беренче уку көне гомуммәктәп линейкасы белән башланып китте. Иң беренчеләрдән булып 3 нче чиреккә йомгак ясалды, төрле номинацияләрдә җиңүчеләр бүләкләнде. “Иң яхшы дәрескә йөрүче сыйныф” бәйгесендә 2 сыйныф (С.җ. Әхмәтшина Л.С.)һәм 5 сыйныфлар (С.җ: Гарипова С.И.) җиңеп чыктылар. “Иң тәртипле сыйныф “ ярышында 7 сыйныф (С.җ:Гарипова С.И.); 6 сыйныф (С.җ:Исланова Г.Г.); 5 сыйныф (С.җ: Гарипова С.И.) беренче урын яуладылар. “Иң яхшы кизү торучы сыйныф” номинациясендә 5 сыйныф (С.җ: Гарипова С.И.) җиңүче исеменә лаек булды.Сыйныфлар активлыгын күрсәтүче критерийларның берсе булып мәктәп, район, республика бәйгеләрендә катнашу тора. Бу бәйгедә җиңүче исемен 2,3 сыйныфлар яулады (С.җ:Әхмәтшина Л.С.). Шулай ук иң озын чирек дәверендә бер дәрес тә калдырмаучы укучылар Мактау кәгазенә лаек булдылар. Бу: Каюмова Алинә, Шигапова Розалия, Вәлиева Алсу, Гадеев Булат. Линейка дәвамында язгы каникуллар вакытында уздырылган төрле дәрәҗәдәге бәйгеләрдә җиңүче укучыларыбыз Мактау кәгазьләре, Рәхмәт хатлары белән бүләкләнделәр. Чараның йомгаклау өлешендә IV чирекнең төп максатлары, бурычлары яктыртылды. Айлык эш планы җиткерелде. Экологик тәрбия айлыгы старт алды.