У нас в школе

2 чирекнең беренче уку көне гомуммәктәп линейкасы белән оешкан төстә башланып китте. Көн тәртибендә : 1 чирек йомгаклары, аның нәтиҗәләре буенча бүләкләүләр беренче урынга куелды. 1 нче чирек йомгаклары буенча "Дәрескә иң яхшы йөрүче сыйныф" номинациясендә 1 урынны - 4 нче(с.җ. Фәхретдинова И.М.) һәм 9 нчы (с.җ. Әхмәдуллина Г.Р.)сыйныфлар яулады."Иң тәртипле сыйныф" бәйгесендә 5 нче (с.җ. Гарипова С.И.),6нчы (с.җ. Исланова Г.Г.), 7 нче (с.җ.Шәрәфетдинова Л.Г.) сыйныфлар җиңеп чыктылар. "Иң яхшы кизү торучы сыйныф" ярышында 1 нче урынга 7 сыйныф (с.җ. Шәрәфетдинова Л.Г.) лаек булды. Район бәйгеләрендә катнашу буенча да бу сыйныф аерылып торды. "Иң күп спорт чараларында катнашучы сыйныф" төрендә җиңүче дип 5 нче сыйныф (с.җ. Гарипова С.И.) табылды.Ә менә 1 нче сыйныф Уңыш бәйрәмендә иң матур чыгыш ясаган сыйныф дип билгеләнде.Каникулларда төрле чараларда актив катнашкан барлык укучылар да Мактау сүзләренә лаек булдылар. Аеруча мәктәптә оештырылган көзге лагерь эшчәнлеге уңай бәяләнде (җитәкчесе: Галиуллина З.Ф.).Яңа чиреккә максатлар, бурычлар куелды. Уңышлы чирекләр булсын!