У нас в школе

Илебездә зурлап үтелгән чараларның берсе булган - КОМСОМОЛ туган көнен безнең мәктәптә дә оешкан төстә билгеләп үтелде. Район графигы буенча укучылар белән очрашуга район ветераннар советы рәисе Хөснетдинова Җәүһәрия Исламовна һәм Айбетова Роза Хәсәновна килделәр. Бәйрәмчә бизәлгән залга дәртле комсомол җырлары астында кунаклар, укытучылар, укучылар җыелды. Башлангычта белем алган җырчы кызларыбыз Алинә белән Зилә кунаклар өчен махсус күтәренке җыр бүләк иттеләр. Көчле алкышлар астында укучылар ветераннарның һәр чыгышын кабул иттеләр. Комсомолларның батырлыклары турындагы материалларны балалар йотлыгып тыңладылар.Аларның тормышын өлге итеп алдылар. Очрашу барышында иң матур шигырь сөйләүче, иң матур җырлаучы кыз һәм егетләребез чыгыш ясадылар.Очрашуда катнашучы өлкән буын укытучылары да укучылар белән үзләренең хатирәләре белән уртаклаштылар.Ветераннар мәктәпкә Батырлык турында китап тапшырдылар, ә балалар аларга берсеннән - берсе матур сувенирлар бүләк иттеләр. Күмәк фотога төшүдән соң ветераннар уку йорты буенча сәяхәт кылдылар. Чисталык, яктылык, барлык җирдәге тәртип кунаклар күңеленә хуш килде. Мондый тәрбия чарасы яшь буенда патриотизм хисләре тәрбияләүдә беренче урында тора һәм торачак!