У нас в школе

Көз - матур чор. Аллы - гөлле яфракларга күмелеп уку йортыбыз әллә кайдан балкып утыра. Кызганыч, яфраклар коелып, куаклар бушап кала. Менә шул чакта яфракларны җыеп , мәктәп янын чистартып кую мөһим. Бүген мәктәптә нәкъ шундый тәрбия чарасы - көзге хезмәт өмәсе узды. Иң беренчеләрдән булып эш башлангычларга бүлеп бирелде. 1-4 сыйныфлар мәктәп алдында бик тырышып эшләделәр. 5-7 сыйныфлар мәктәпнең тротуарлары буйларын чип - чиста иттерделәр. Иң җаваплы эшне 8-9 лар башкарды: алар мәктәп алдындагы чәнечкеле куак араларын яфраклардан арындырдылар. Үз эшләрен тиз арада башкарырга өлгергән 5-9 лар бик теләп башлангычларга ярдәм кулы сузырга да өлгерделәр. Бергәләп мәктәпнең алды, яннары, урам өлеше күз ачып йомганчы ялт итеп куйдырылды. Тырышып эшне тәмамлагач укучылар ашхәнәдә бик тәмләп әзерләнгән төшке ашка чакырылдылар. Өмәнең йомгаклау өлешендә һәр сыйныфка рәхмәт җиткерелде. Күтәренке күңел белән эш көне тәмамланды. Ә мәктәбебез тагын да матурланып, яктырып китте!