У нас в школе

26 нчы июнь көнне уку йортында гөрләп Чыгарылыш кичәсе булып узды . Тантаналар залы бәйрәмчә бизәлеп кунакларны каршы алды. Бәйрәм түрендә әти-әниләр, укытучылар, хезмәткәрләр, чыгарылыш сыйныф укучылары. Махсус котлау сүзләре астында сәхнәгә укучылар чакырылды. Иң беренче котлау сүзләрен аттестатлар белән бергә мәктәп директоры җиткерде. Шигырьләргә үрелеп котлау сүзләре бер – бер артлы беренче укытучыга, тәрбиячегә, сыйныф җитәкчеләренә, яраткан укытучы абый һәм апаларга бирелде. Һәрбер чыгыш ясаучы укучыларга изге теләкләрен җиткерде, истәлек бүләкләре тапшырды.Иң дулкынланып сүз алучылар әти-әниләр булды. Барлык котлаулардан соң бәйрәм түренә укучыларыбыз чакырылды: сыйныф җитәкчеләре Исланова Г.Г. белән берлектә алар җавап сүзе алдылар, олы Рәхмәтләрен җиткерделәр. Матур тантана кыңгырау чыңлавы белән күмәк фотога төшүләргә алышынды. Бәйрәм чәе күңелләргә ямь өстәде! Быелгы чыгарылыш мәктәп өчен аеруча уңышлы һәм истәлекле булды: 7 укучының 4 се уку йортын бары тик бишле билгеләренә генә тәмамлады (Ранис, Фаил, Эльвира, Айгөл); 2се дүрт һәм бишле билгеләре белән ел ахырына килде (Эльмира, Зөлфия).Җидесе дә ТДИ (ОГЭ) югары нәтиҗәләр белән тапшырдылар. Без чын күңелдән барлык укучыларыбызны да, әти-әниләребезне дә матур тантана белән котлыйбыз, киләчәктә дә балаларга бары тик уңышлар, гаиләләргә тигезлек , бәхет теләп калабыз! Хәерле юл, Сезгә, укучылар!