У нас в школе

Уку елы ахырында тәрбия эшчәнлегенә йомгак ясала башланды. Ел дәвамында мәктәптә уңышлы эшләп килгән түгәрәкләр шул уңайдан хисап тотты. Бу мәктәпкүләм чара итеп оештырылды. Тамашачылар игътибарына чара уздырылачак тантаналар залында башлангыч сыйныфларның “Оста куллар” (Җитәкчесе: Әхмәтшина Л.С.) түгәрәгенең иҗат җимешләре күргәзмәгә урнаштырылды. “Кызгылт туп” (Җитәкчесе: Хәйретдинов Р.Р.) түгәрәгенә йөрүче укучылар барлык алынган Мактау грамоталарын , кубокларын матурлар күрсәтеп куйдылар. “Инглиз теле” (Җитәкчесе: Коваленко Ю.Н.) түгәрәге укучыларның рәсемнәрен туплады. Ә менә “Җыр һәм бию” (Җитәкчесе: Әбелханова М.Г.) түгәрәге чын- чынлап бәйрәм концерты оештырды. Бәйрәмне Илдар белән Инзилә алып бардылар. Барлык тамашачылар да 3 сыйныф укучылары чыгышын бик җылы кабул иттеләр. Түгәрәкләрнең иҗат отчёты киләсе елда да шулай итеп оештырылачак.