У нас в школе

Мәктәптә “ #ЭКОВЕСНА» старт алды. Илебез буенча игълан ителгән чисталык ике айлыгы кысасында уку йортында һәр көн саен төрле чаралар уздырылып тора. Менә шул айлыкның иң нәтиҗәле чарасының берсе булган – хезмәт өмәсе елдагыча гөрләп узды бүген. Эш көне оештырылган төстә башланып китте. Һәр сыйныф үзенә беркетелгән мәйданнарга бердәм булып юнәлде. Сыйныф җитәкчеләре, укытучылар, хезмәткәрләр белән берлектә укучылар бик тырышып эшне башлап җибәрделәр, күз ачып йомганчы тирәлек чүп-чардан чистартылып та куелды. Мәктәп алды, аның бакча тирәләре , юллары бик матураеп, ачылып киттеләр. Чыннан да иң матур, иң күркәм безнең мәктәбебез тагын да ямьләнеп китте, укучыларын үзенә әллә кайдан тартып торачак!