У нас в школе

Патриотик айлык планы нигезендә 21 нче февраль көнне 5-9 сыйныфлар өчен “Без – булдырабыз!” дип аталган спорт турниры уздырылды. Һәр сыйныфның егетләре ике командага бүленеп чара дәвамында киеренке ярышта үзләренең көчләрен сынадылар. Жюрида һәм тамаша залында кызлар. Тантаналы өлеш барлык ир – егетләрне бәйрәм уңаеннан администрация котлавыннан башланды. Егетләрне матур итеп кызлар котлады һәм бүләкләр тапшырдылар. Шуннан соң инде чын ярыш башланып китте. Егетләребез 16 төрле бәйгедә катнашып үзләрен көчле, җитез икәннәрен тагын бер тапкыр исбатладылар. Канатка үрмәләүдә Н.Ранис белән К.Фаил иң алдынгы, авырлыкларга тап булган кешегә ярдәм итүдә “кызыллар” иң оста булдылар. Дартс, “аяк киемнәре кибетенә сәяхәт”, “40-аяк”, “сазлыклардан юл салу”, арм – спорт кебек ярышлар аеруча мавыктыргыч килеп чыктылар. Һәр блок ярыштан соң “экраннарда” нәтиҗәләр күрсәтелеп барылды. Спорт ярышының йомгаклары буенча “ Танкистлар” (Капитан : К.Фаил ) командасы җиңү яулады , ә “Лётчиклар» (Капитан : Б.Ранис) аз гына калышты. Ләкин ике команда да тамашачыларга күп күңелле мизгелләр бүләк итте. Чараны тәрбия буенча урынбасар Гыйзәтуллина Г.Р. һәм физкультура укытучысы Хәйретдинов Р.Р. оештырдылар.