У нас в школе

Ватан сакчылары көне уңаеннан 5-9 сыйныфлар арасында строй һәм җыр смотры булып узды. Тантаналар залы бәйрәмчә әзерләнгән . Сыйныфлар тип –тигез сафларда хәрбиләрчә һәм бәйрәмчә киенгәннәр. Смотр таләпләре буенча һәр сыйныф исем, девиз, җыр белән таныштырудан үз чыгышын башлады.Тышкы кыяфәт, маршировка, командалар үтәлеше, котлауларга җавап бирүләр - барысыда жюри тарафыннан җитди бәяләнеп барылды. Нәтиҗәләр буенча урыннар түбәндәгечә бүленде: 1 урынны 7 сыйныф яулады (С.җ.Әхмәдуллина Г.Р,); 5 (С.җ. Шәрәфетдинова Л.Г.) һәм 9 (С.җ. Исланова Г.Г.) сыйныфлар 2 нче урынны бүлештеләр; 3 урынга 8 сыйныф (С.җ. Гарипова С.И.) лаек булды; 6 сыйныф (С.җ. Галиуллина З.Ф.) 4 нче урында. Смотр критерийлары буенча “Иң яхшы командир” исеменә 7 сыйныф укучысы Камалов Раил лаек булды. Чараның ахырында барлык сыйныфлар да Мактау грамоталары белән бүләкләнделәр. Ә иң яхшы командир Мактау кәгазе һәм медальгә лаек булды. Смотр куелган бурыч һәм максатларны үтәде. Сыйныф җитәкчеләре, укучылар бу чарага бик җаваплы килделәр.