У нас в школе

17 - нче февраль көнне билгеләп үтеләчәк “Кайнар йөрәкләр” акциясе кысасында “Батырлык дәресе - 2017” ( УРОК МУЖЕСТВА – “ГОРЯЧЕЕ СЕРДЦЕ” ) бүген мәктәптә уздырылды. Мәктәпкүләм бу тәрбия чарасы 8,9 сыйныфлар өчен оештырылган бердәм сыйныф сәгатеннән башланып китте. Тәрбия сәгате кысасында “кайнар йөрәкләр” төшенчәсенә аңлатма бирелде, бу акциянең барлыкка килү тарихы яктыртылды , беренче оештыручылары ачыкланды. “Тормышта батырлыкка һәрвакыт урын бар! “- дигән канатлы сүзләр белән бүгенге көн батырлары турында белешмә бирелде. Батырлыкларны барлап бара торган Мактау китабының электрон версиясе белән таныштырылды. Укучылар белән берлектә темага кагылышлы тормыш мисаллары китерелде. Балаларның, өлкәннәрнең бу батыр адымнарының мөһимлеге кат – кат искәртелде. “Кайнар йөрәкләр” гимны белән таныштырылды. Укучылар барлык чыгышларны да йотлыгып тыңладылар, әңгәмәдә актив катнаштылар. Тәрбия чарасы кәгазьдән кызыл йөрәкләр әзерләп, аларны күкрәккә кадап, бердәм гимн башкару белән тәмамланды. Көн дәвамында шундый эчтәлекле тәрбия чаралары 5-7 сыйныф укучылары белән дә уздырылды. Мәктәпкүләм чараларны тәрбия буенча урынбасар Гыйзәтуллина Г.Р. оештырды. Уздырылган чаралар актив һәм әхлаклы шәхес тәрбияләүдә мөһим урын алырлар дип ышанасы килә!