У нас в школе

Декабрь ае тәрбияви вакыйгаларга бик бай башланып китте. Беренче ункөнлектә ярдәмгә мохтаҗ булган кешеләргә игътибарлырак булу бурычы куелды. Мондый эшчәнлек мәктәптә ел саен оештырыла. Быел да бу юнәлештә иң нәтиҗәле булып саналган ярминкә үткәрелде. Иртән сату рәтләре әзерләнде, сыйныфлар сатылачак әйберләрне барладылар. Бер дәрестән соң оешкан төстә, матур шигырь юллары астында сату башланып китте. Беркем дә читттә калмады. Сату рәтләре сыйлардан сыгылып торды. Гөжләп сату – алу барды. Ярминкәнең максаты җыелган акчадан ярдәмгә мохтаҗ булган балаларга, өлкәннәргә өлеш чыгару; укучыларга бүләкләр, призлар алырга тоту. Һәр сыйныф бу чарада бик актив һәм нәтиҗәле катнашты. Хәзерге вакытта һәр сыйныфның өлеше барлана, мәктәп линейкасында бу эшчәнлеккә йомгак ясалачак. Мәктәп администрациясе мондый тәрбияви чараны оештыруда ярдәм күрсәткән һәр гаиләгә, әти-әнигә, укучыга үзенең Рәхмәтен белдерә.