У нас в школе

Мәгариф бүлеге күрсәтмәләре нигезендә мәктәптә “Бер көн әти белән!” (“Один день с папой!”) дигән девиз астында башлангыч сыйныф укучылары белән берлектә “Әти белән мин- спорт гаиләсе” дип исемләнгән чара уздырылды. Спорт бәйрәмендә 1-4 сыйныф укучылары, аларның әтиләре катнашты. Балаларның бәйрәмдә капитаннары булып башлангычта укучы Илсаф, Алмаз, Динарның әтиләре Галиуллин Илдус, Зәйнетдинов Алмаз, Сибгатуллин Илнурлар булды. Спорт ярышы мавыктыргыч , күңелле итеп оештырылды. Әниләр әтиләргә, балаларга көч биреп утырдылар; ә укучылар бәйгедә рәхәтләнеп катнаштылар. ”Мушкетёрлар» (капитан: Зәйнетдинов Алмаз )командасы “Дуслык” (капитан Галиуллин Илдус ) төркеменнән азрак кына узып китеп беренчелекне яулады. Ләкин бәйрәмдә җиңелүче булмады, чөнки йомгаклау өлешендә һәр капитан, һәр укучы истәлекле бүләк алды; күмәкләшеп фотога төшү оештырылды. Һәркемнең йөзендә шатлык нурлары балкыды, кәефләр күтәренке булды. Уку йортының администрациясе Галиуллиннар, Зәйнетдиновлар, Сибгатуллиннар гаиләләренә олы Рәхмәт белдерә, уңышлар тели. Мәктәпнең тәрбия эшчәнлегендә бу спорт бәйрәме лаеклы урын алды. 24 нче октябрь көнне шундый ук чара 5-9 сыйныф укучылары, аларның әтиләре белән оештырылачак!