У нас в школе

Укучыларның җәйге каникуллары шатлыклы вакыйгалардан башланып китте. 1 июнь – Балаларны яклау көне уңаеннан районда “Балалар туган илне сүрәтли” (“Дети рисуют страну”) дигән иҗади эшләр бәйгесенә йомгак ясалды. Бәйгене республиканың райондагы “Бердәм Россия” партиясе вәкиллеге оештырды. Чара матур концерт номерлары , мавыктыргыч уеннар, саф һавада ярышлар, төрле уенчыклар - чәчәкләр, бүләкләр ясау буенча мастер – класслар белән аралаштырылып алып барылды. Бәйрәм мәйданы шарлар, чәчәкләр, әкият геройлары белән бизәлгән. Менә шундый бүләкләү тантанасында мәктәпнең җиңү яулаучы укучылары Мактау кәгазьләре, кыйммәтле бүләкләр белән бүләкләнделәр. Без чын күңелдән укучыларыбызны һәм коллегаларыбызны котлыйбыз, киләчәктә дә уңышлар телибез.