У нас в школе

Бүген мәктәптә гөрләп “Соңгы кыңгырау” бәйрәме узды. Тантаналы чара өчен кунаклар, ата-аналар, ветеран укытучылар , укучылар барысы да бәйрәмнәр уздырыла торган махсус мәйданга җыйналдылар. Бәйрәм махсус шигъри юллар һәм дәртле музыка астында 9 сыйныф укучыларын сәхнәгә чакырудан башланды. Котлауларны мәктәп директоры укучыларга тасмалар һәи кыңгыраулар тагудан, төрле номинацияләрдә җиңү өчен Мактау грамоталары тапшыру белән башланды. Беренче укытучы , сыйныф җитәкчесе , әти-әниләр, кунаклар барысы да укучыларга матур теләкләр җиткерделәр. 1-8 сыйныф укучылары котлаулар белән бергә бүләкләр дә тапшырдылар. Укучылар комитеты әгъзалары чыгарылыш укучыларын шаян һәм кызыклы чыгышларга күмделәр. Инде дистә елдан артык алдагы ел чыгарылыш укучылары быелгы чыгарылышларга кыңгырау тапшыру традициягә әйләнде. Быелда аны 2014-15 нче чыгарылыш укучылары исеменнән Вәлиуллина Рания, Храмов Данила, Шәйдуллин Ранислар тапшырды. Соңгы кыңгырауны 1 сыйныфтан Һадиев Данир , 9 сыйныфтан – Җамалетдинов Илшатлар бирде. Укучылар матур чыгышларын күккә шарлар очыру һәм салют бирү белән тәмамлап соңгы сыйныф сәгатенә юнәлделәр. Бәйрәм тантанасы сыйныфта дәвам итте. Хәерле юл , Сезгә, тугызлар!