У нас в школе

Мәктәптә ата-аналар белән эш формалары даими рәвештә яңартылып тора. Менә 21- нче май көнне дә мәктәптә гөрләп Гаилә сабантуе узды. Аны уздыру үз эченә балаларны яклау , Халыкара гаилә көннәрен , спорт бәйрәмнәрен алды. Тәрбия чарасы иртәнге 10 сәгатьтә башланып төштән соңга чаклы дәвам итте. Тантаналы өлеш матур шигырь юллары белән башланып милли уен- Гаилә сабантуе белән дәвам итте. Бәйрәмдә капчык белән йөгерү, кашыкта йомырка һәм чиләкләрдә су ташу, чүлмәк вату, әтәчләр сугышы, мәргәннәр бәйгесе белән аралаштырылып алып барылды. Әти-әниләр һәм балалардан торган командаларны Хәйретдинова Гөлгенә, Хәйретдинова Гөлсирәләр бик оста җитәкләде. Ярышларның бер өлеше узгач тәмләп уха пешеп чыкты, бергәләп гаиләләр төшке ашка җыйналды. Тамак ялгап алгач аркан тарту барлык тамашачыны яңадан мәйданга туплады. Командалар бик тырышып ярышларда катнашса да, Гөлгенә ханым командасы алга чыкты.Чараны йомгаклау өлешендә бәйрәм – тамашада катнашучы һәр гаилә махсус Мактау грамоталары белән бүләкләнде, истәлеккә фотога төшү оештырылды. Укыту - тәрбия эшчәнлеге югары нәтиҗәле бары тик ата-аналарның шундый хуплавы булганда гына мөмкин!