У нас в школе

Татарстан Республикасы Президенты аппараты күрсәтмәләре нигезендә мәктәптә бүген “Язгы изгелек атнасы – изге эшләр эстафетасы” (“ВЕСЕННЯЯ НЕДЕЛЯ ДОБРА”) һәм “Спорт- син тынычлык!” (“О СПОРТ – ТЫ МИР!”) дип исемләнгән акцияләргә старт бирелде. Иртәнге гомум планлаштыру утырышында бу оештырылачак тәрбия чаралары нигезләмәләре, уздыру тәртибе белән таныштырылды.Һәр сыйныф җитәкчесе, фән укытучысы бу эшчәнлеккә зур җаваплылык белән килде. Иң беренчеләрдән булып язгы изгелекләрне 3, 4 сыйныф укучылары башлап җибәрде: укучылар бу көнне кошларга оя куярга да, балалар бакчасындагы балаларга сәхнәләштерелгән тамаша күрсәтергә дә, дәү әни һәм дәү әтиләргә кулдан килгәнче ярдәм итәргә дә өлгерделәр. Көн буе бары тик изгелекләр генә эшләү укучыларның үзләренә дә бик ошап китте. Алар бу эшчәнлекне оста оештырган укытучылары Әхмәтшина Л.С. аеруча рәхмәтле. Изге эшләр дәвам итәр!