У нас в школе

4 нче март көнне мәктәптә гөрләп “Әниләр һәм кызлар” уен - бәйгесе узды. Чарага 5-9 сыйныф укучылары, 1-9 сыйныф балаларының әниләре чакырылды. Урта һәм югары сыйныфларның берләштерелгән кызлар командасын 9 сыйныф укучысы Галимҗанова Алинә, әниләрнең “ Улыбка” командасын Хәйретдинова Гөлсирә ханым җитәкләде. Барлыгы командаларда унберәр катнашучы иде.Уен шарты буенча кызлар һәм әниләр визитка, музыкаль номер, кулинария яисә салат, мода һәм макияж буенча биремнәр әзерләп килделәр. Жюрига 9 сыйныф укучысы Җамалетдинов Илшат, укытучы Җәгъфәрова Ф.Ф, әниләрдән Каюмова Гүзәлия, Җәгъфәрова Гөлгенә, Аюпова Гүзәлләр сайланды. Зал тулы тамашада пантомима, спорт ярышы, кызыклы биремнәр алкышларга күмелеп, бер – берсенә үрелеп алып барылды. Тамашачылар хәлдән килгәнче уенда катнашучыларга ярдәм итергә тырыштылар, үзләре эшләп алган балларны рәхәтләнеп командаларга бүләк иттеләр. Кызларга очко алуда Акбаров Фәнилдә зур өлеш кертте: матур итеп татарча биеде. Әниләр командасы тамашачыларны үзләренең бердәмлеге, уңганлыгы, оста булулары белән шаккаттырды.Кызлар да әниләреннән калышмаска тырышты. Киеренке һәм күңелле ярыш бертигез нәтиҗә белән тәмамланды. Мәктәп администрациясе уен- бәйгене оештыруда зур өлеш керткән капитаннар Галимҗанова Алинәгә, әниләр “башлыгы” Хәйретдинова Гөлсирә Наил кызына , уенга әниләре килгән яисә катнашкан һәр сыйныф җитәкчесенә аерым Рәхмәтен белдерә.