У нас в школе

Район Ветераннар советы әгъзалары Айбетова Роза Хасановна, Хөснетдинова Җәүһәрия Исламовналар бүген график нигезендә мәктәбебездә кунак булдылар . Матур бизәлгән залда бәйрәмчә киенгән укучылар кунакларны дәртле җыр һәм махсус шигъри тәлгәшләр белән каршы алдылар.Алып баручы кызлар Галиуллина Гөлназ белән Шәрәфетдинова Зөлфия оста итеп шигырь сөйләделәр, 3 сыйныф укучылары матур итеп уенлы-хәрәкәтле җыр башкардылар. Кунаклар “Бүген патриот нинди була? “ дигән темага түгәрәк өстәл оештырдылар.Укучылар сорауларга җавап бирделәр, “Ватан”, “Туган ил” төшенчәләрен аңлаттылар. Һәр сыйныф үз куллары белән кунакларга берсеннән-берсе матур бүләкләр әзерләде. “Оста куллар” түгәрәгенең иҗат җимешләре (Җитәкчесе: Әхмәтшина Л.С), хезмәт дәресләрендә кызлар әзерләгән кул әшләре (Укытучы: Шәрәфетдинова Л.Г) күргәзмәне сокландыргыч матур иттеләр. Ветераннар укучылар чыгышын, бүләкләрне, мәктәпнең җылы халәтен бик яраттылар, кабат килергә сүз куйдылар. Очрашу күмәк фотога төшү белән аралаштырылып алып барылды. Соңыннан буыннар очрашуы чәй өстәле артында дәвам итте. Мәктәп администрациясе барлык сыйныф җитәкчесенә, музыка түгәрәге җитәкчесе Әбелханова М.Г, “Оста куллар” түгәрәге җитәкчесе Әхмәтшина Л.С, хезмәт укытучысы Шәрәфетдинова Л.С, оештыру эшләрендә актив катнашучы Галиуллина З.Ф, 3 сыйныф укучыларына, Галиуллина Гөлназ белән Шәрәфетдинова Зөлфияләргә олы Рәхмәтен белдерә.