Татар теле һәм әдәбияты декадасы кысаларында 4-А һәм 4-Б сыйныфы укучылары белән «Халкым минем» дип исемләнгән бик җылы һәм танып-белү чарасы үткәрелде.

Балалар татар халкының милли киемнәре, нәфис бизәнү әйберләре дөньясына чумдылар. Сөйләшү барышында укучылар:
✅ Чигелгән кул эшләренең серләренә төшенделәр;
✅ Татар орнаментларының (чәчәкләр, гөлләр, кошлар) нинди тирән мәгънәгә ия булуын белделәр;
✅ Кулъяулыклар, сөлгеләр һәм энҗе калфаклар турында шигырьләр сөйләделәр.

Теориядән соң балалар үзләре дә иҗат иттеләр: һәркайсы түбәтәй һәм калфак рәсемнәрен ясап, аларны үзенчәлекле итеп бизәде. Милли гореф-гадәтләребезне өйрәнү балаларда зур кызыксыну уятты!