"Нур" драма түгәрәгенә йөрүче укучылар белән "Театр яктылыкка, нурга илтә" дип исемләнгән кичә үтте. Кичәнең беренче өлешендә татар халкының "Өч кыз" әкиятен укучылар курчаклар белән уйнап күрсәттеләр. Әкият аналарның кадерен белергә өйрәтә. Кичәнең икенче өлешендә, туган телләрне белү һәм өйрәнүне балаларга җиткерү максатыннан, "Туган телем" сәхнә әсәре күрсәтелде. Кечкенә артистлар үз рольләрен оста башкарып, нәни тамашачыларның күңелләрен яуладылар.