Бәйрәм бүген, бәйрәм бүген! Табигать уяну белән өйләргә Нәүрүз бәйрәме килә. Нәүрүз – яңа көн, яңа ел дигәнне аңлата, ул язгы кыр эшләре алдыннан үткәрелә торган халык бәйрәме.

20 нче март көнне иртәдән үк мәктәптә  бәйрәм рухы : борыннарны кытыклап, тәмле коймак исе таралган,  салмак кына көй агыла. Төрле әкият геройлары булып киенгән укучылар, Кыш бабай белән Нәүрүзбикә, сәхнәне дер селкетеп биюче татар кызлары, баяныннан аз гына башы күренгән баянчыбыз  безне бәйрәм чарасында каршы алдылар. Милли уеннар, күңелле җырлар  да булды. Һәрберебезгә исәнлек, уңыш, бәхетләр теләп язгы каникулларга таралыштык.